बलिउड अभिनेता सुनिल सेट्टीले आफ्ना छोरा अहान सेट्टीलाई बलिउडमा डेब्यू गराउने भएका छन्।
सुनिलका छोराले तमिल फिल्म 'आरएक्स १००' फिल्मको हिन्दी रिमेकबाट डेब्यू गर्नेछन्।
रिमेकका लागि सो फिल्मलाई निर्माण गर्ने साजिद नाडियालवालले फिल्मको रिमेक अधिकार खरिद गरिसकेको जानकारी दिएका छन्।
साजिदले यसअघि ज्याक श्राफका छोरा टाइगरलाई सन् २०१४ मा 'हिरोपन्थी' फिल्मबाट डेब्यू गराएका थिए। सो फिल्म पनि अल्लु अरजुन अभिनित फिल्मको हिन्दी रिमेक थियो।
साजिदले सो फिल्मले युवा तेलेगु दर्शकमाझ 'कल्ट' फिल्मको छवि बनाएकाले बलिउड दर्शकका लागि पनि उत्तिकै रूचिकर हुने बताएका छन्। फिल्म आगामी वर्ष मेमा रिलिज हुनेछन्।
साजिदले फिल्म १० पटक हेरेर रिमेक बनाउने फैसला गरेको बताए। उनले रिमेक बनाउने टुङ्गो लागेको भए पनि निर्देशकको भने छनोट हुन बाँकी रहेको जनाएका छन्।
साजिदले सुनिललाई पनि डेब्यू गराएका थिए। सुनिललाई साजिदले सन् १९९३ मा एक्सन ड्रामा फिल्म 'वक्त हमारा है'बाट डेब्यू गराएका थिए।
सुनिलका छोरा हाल २२ वर्षका छन्। उनले बाबु छोरालाई नै डेब्यू गराउन पाउँदा आफूलाई खुशी लागेको पनि बताए।
सुनिलकी छोरी अहानाले सन् २०१५ मा 'हिरो' फिल्मबाट बलिउडमा डेब्यू गरिसकेकी छन्।
