'ठग्स् अफ हिन्दुस्तान'को रिलिज पछि बलिउड अभिनेता आमिर खानले हलिउड फिल्मको रिमेक बनाउने तयारीमा लागेको भारतिय संचारमाध्यमले जनाएका छन्।
समाचारका अनुसार हलिउड फिल्म निर्माण स्टुडियो प्यारामाउन्ट पिक्चर्सले निर्माण गरेको एक सिनेमालाई भारतिय संस्करणमा बनाउने तयारीमा रहेको जनाइएको छ।
आमिर निकट श्रोतको भनाइ उद्धृत गर्दै समाचारमा सो फिल्मको घोषणा सबै कुराले अन्तिम रूप पाएपछि गर्ने तयारी आमिरले गरिरहेका छन्।
'सबै कुरा तय भएपछि मात्र फिल्मको नाम घोषणा गरिनेछ', श्रोतले भन्यो।
हाल फिल्मको रिमेक अधिकारका लागि कुरा भइरहेको भारतीय संचारमाध्यमले लेखेका छन्।
यस अघि आमिरले ओशोको जीवनीमा आधारित सिनेमा गर्ने चर्चा चलेको थियो तर कथामा चित्त नबुझेकाले सो फिल्मको कुरा हाललाई रोकिएको बताइन्छ।
आमिरको 'ठग्स् अफ हिन्दुस्तान' तिहारमा रिलिज हुँदैछ। फिल्ममा उनका अलावा अमिताभ बच्चन, क्याटरिना कैफ तथा फातिमा सना शेखको पनि प्रमुख भूमिका रहेको छ।