बलिउड अभिनेत्री सोनम कपुरले आफ्नो पहिलो महिनावारीको अनुभव सुनाएकी छन्। फिल्म ‘प्याडम्यान’की अभिनेत्री साेनमले महिलाहरूले महिनावारीको विषयमा खुलेर कुरा गर्नुपर्ने बताइन्।
सोनमले आफ्नो पहिलो महिलावारीको रमाईलो घटना साटेकी छन्।
‘मेरो पहिलो महिनावारी १५ वर्षको उमेरका भएको थियो। सबै साथीहरूको मेरोभन्दा अगाडि नै महिनावारी भइसकेको थियो। मेरो महिनावारी किन भएन भनेर म निकै दुःखी थिए,’ उनले भनिन्, ‘जब मेरो महिनावारी भयो बल्ल म ढुक्क भए किनकी म मेरी आमालाई बारम्बार मेरो महिनावारी नै हुँदैन, ममा केही खराबी छ भनेर भनिरहेकी हुन्थे।’
उनले आफू महिनावारी सम्बन्धित फिल्म ‘प्याडम्यान’मा अनुबन्धित हुनु ठूलो सौभाग्य भएको समेत बताइन्।
‘धेरै महिलाहरू अझैपनि महिनावारी सम्बन्धी बोल्न समेत डराउँछन्, फिल्म खेल्न पनि चाहँदैनन्। महिनावारीको कथा बोकेको यो फिल्ममा अनुबन्धित हुने समयमा मैले एक पटक पनि सोचिन’, उनले भनिन्।
सोनमले ‘प्याडम्यान’ एक असाधरण पुरुषले महिलाहरूको अवस्था सुधार्ने कथा बोकेको फिल्म रहेको बताइन्। उनले फिल्मले सेनेटरी प्याडको विषयमा ग्रामीण भू–भागमा चेतना पुग्ने अपेक्षा समेत व्यक्त गरिन्।
फिल्म ‘प्याडम्यान’ जनवरी २५ मा प्रदर्शनमा आउँदैछ। फिल्ममा सोनमबाहेक अक्षय कुमार र राधिका अप्टेकाे पनि प्रमुख भूमिका छ।
