रेहान प्रोडक्सनको प्रस्तुतिमा बनेको फिल्म 'मुगलान' मा समावेश गीत सार्वजनिक गरिएको छ।
सोमबार सार्वजनिक 'पिन्टु पियारी' बोलको गीतमा शान्तिश्री परियार र हरि गिरी 'विमर्शी' को स्वर छ।
मायाप्रेममा आधारित डान्सिङ शैलीको गीतमा फिल्मका मुख्य कलाकार प्रभात पाल र स्मारिका ढकालको नृत्य छ। यो गीतको शब्द रचना र संगीत हरि गिरीकै हो। भिडिओका कोरियोग्राफर देवेन्द्र कुवँर हुन्।
फिल्म 'मुगलान' को यसअघि प्रचार सामाग्रीका रूपमा टिजर सार्वजनिक गरिएको थियो।
आशिष ढकालको लेखन तथा निर्देशनमा निर्माण भएको फिल्ममा प्रभात पाल र स्मारिकाका साथमा श्री शिवांशी, दिनेश डीसी, मोती सुबेदी, रामचन्द्र अधिकारी, ख.ब.पु., राजु राज सोनी, रश्मी भट्ट, जीवन गौतम, सबिन बास्तोलालगायत कलाकारहरूको अभिनय छ।
फिल्मको निर्माता गोमन सिंह हुन् भने सह निर्माताका रूपमा रिता चौधरीले लगानी गरेकी छन्। तारा थापा ‘किम्भे’ को सम्पादन, अजय रेग्मीको डिओपी, जय विष्ट र राम गुरूको द्धन्द्ध निर्देशन रहेको यो फिल्ममा बिजिएम रिदम कंडेलको छ।
युना डिजिटल युट्युब च्यानलमार्फत गीत रिलिज भएको हो।
-1746009348.jpg)
