यही चैत २२ गतेदेखि प्रदर्शनमा आउने फिल्म 'वसन्त' को अफिसियल ट्रेलर शनिबार सार्वजनिक तयारी छ।
काठमाडौंको सामाखुशीस्थित सिटी स्क्वायर मलमा ट्रेलर रिलिजसँगै सांगीतिक कार्यक्रमको समेत आयोजना गरिएको छ।
निर्देशक तथा अभिनेता प्रकाश सपुतले ट्रेलर रिलिजको अवसर पारेर 'वसन्त साँझ' को समेत आयोजना गरेका छन्।
शनिबार ४ बजे सिटी स्क्वायर मल अगाडि आयोजना हुने वसन्त साँझमा अभिनेत्री स्वस्तिमा खड्का, गायक तथा अभिनेता प्रकाश सपुत, गागिका शान्तिश्री परियार, प्रीति आले तथा देवेन्द्र बब्लु (द फिरन्ते)ले प्रस्तुति दिनेछन्।
गायक प्रकाश सपुतको डेब्यु निर्देशनमा निर्माण भएको 'वसन्त' मा प्रकाश स्वयंसँगै स्वस्तिमा खड्का, प्रभात पाल ठकुरी, श्री शिभान्सी, उर्मिला लाम्गादे, खड्क बहादुर पुन (खबपु), अनुप बराल, कमलमणी नेपाल, प्रकाश घिमिरे, विशाल पहारी लगायत कलाकारहरूको अभिनय छ।
गलबन्दी प्रोडक्सनको प्रस्तुति रहेको सोसल ड्रामा फिल्मको कथा, पटकथा र संगीत पनि निर्देशक सपुतले नै तयार पारेका हुन्। विपन्न विश्वकर्मा समुदायको छोराको लेखक बन्ने सपना र लक्ष्य हासिल गर्न उसले गर्ने संघर्षको कथा सिनेमाले भन्नेछ। फिल्मको निर्मातामा मोहन विश्वकर्मा र बिन्दु बोहोरा तथा कार्यकारी निर्मातामा अनुरोध भट्टराई, नाना थकाली र विरेन्द्र नारायण श्रेष्ठ छन्।
अभिनेताका हिसाबले भने 'वसन्त' प्रकाशको तेस्रो फिल्म हुनेछ।
यसअघि उनी अभिनीत दुई फिल्म 'परदेशी २' र 'पूर्णबहादुरको सारंगी' सुपरहिट भइसकेका छन्।
-1746513231.jpg)
