काठमाडौंमा नेपाल अन्तर्राष्ट्रिय नाट्य महोत्सव (निटफेस्ट) को तेस्रो संस्करण सुरू भएको छ।
थापागाउँस्थित मण्डला थिएटरको प्राङ्गणमा नेपाल संगीत तथा नाट्य प्रज्ञा प्रतिष्ठानकी कुलपति नीशा शर्माले दमाहा बाजा बजाउँदै महोत्सवमा उद्घाटन गरिन्।
उद्घाटनका क्रममा बोल्दै उनले अहिलेको रंगमञ्चको माहोल देखेर गर्व लाग्ने गरेको बताइन्।
शर्माले भनिन्, ‘सन् २००० मा आरोहण गुरूकुल सुरू गर्दा हामी सबै कलाकारले जागरूक भएर नाटकलाई एउटा गन्तव्यमा पुर्याउने सपना देखेका थियौं। त्यो दिन सम्झेर र आजको दिन देखेर अत्यन्त खुसी लागेको छ।’
अहिलेको रंगमञ्चलाई नयाँ पुस्ताका कलाकारले जसरी धानेर राखेका छन्, त्यो राम्रो भइरहेको उनले बताइन्।
उनले विदेशीहरू हिमाल हेर्नमात्र नेपाल आउने नभई यहाँको कला संस्कृति बुझ्न पनि आउने बताइन्। तर, आफू सरकारी पदमै भए पनि यस क्षेत्रमा जति काम हुनुपथ्र्यो त्यति हुन नसकेको उनले बताइन्।
बजेटकै कारण ती काम गर्न नसकेको उनको भनाइ छ।
उद्घाटन समारोहमा स्वागत मन्तव्य राख्दै निटफेस्टका अध्यक्ष तथा अभिनेता दयाहाङ राईले भने, ‘हिजोको रंगमञ्चको यात्रादेखि आजसम्म आइपुग्दा हामीलाई पुरानो पुस्ताले आफ्नो ज्ञान र अनुभव हस्तान्तरण गर्नुभयो। आज हामी हाम्रो पुस्ताले सिकेको ज्ञान र अनुभवलाई नयाँ पुस्तामा हस्तान्तरण गर्ने प्रक्रियामा छौं। महोत्सवको तेस्रो संस्करणसम्म आइपुग्दा हामीले रैथाने ज्ञानको उज्यालो थिममा त्यही हस्तान्तरणको अभ्यास गरिरहेका छौं।’
उद्घाटन समारोहमा नेपाल पर्यटन बोर्डका प्रमुख कार्यकारी अधिकृत दीपकराज जोशी, चाइना थिएटर एसोसियसनका महासचिव ली हाई ची, जापानकी थिएटर निर्देशक इरिना सजी, जिआइजेटकी शान्ति सल्लाहकार मालिन फेट्याक्ट लगायतले मन्तव्य राखेका थिए।
महोत्सव चैत १२ गतेसम्म चल्नेछ भने १२ देशका १७ नाटक मञ्चन हुनेछन्।
महोत्सवमा नाटकसँगै कविता, संगीत, नृत्य प्रदर्शनी लगायत कार्यक्रमहरू समावेश छन्।
-1742385420.jpg)
-1742385418.jpg)
-1742385417.jpg)
-1742385419.jpg)
-1742385420.jpg)
-1742385418.jpg)
-1742385419.jpg)
-1742385417.jpg)
-1742385416.jpg)
-1742385416.jpg)
-1742385416.jpg)
-1742385416.jpg)
-1742385415.jpg)
-1742385415.jpg)
-1742385414.jpg)
-1742385414.jpg)
-1742385413.jpg)
-1742385413.jpg)
-1742385413.jpg)
-1742385413.jpg)
-1742385418.jpg)
