फ्राइडे रिलिज अन्तर्गत शुक्रबारदेखि दुई नयाँ नेपाली फिल्म प्रदर्शनमा आएका छन्। उपेन्द्र सुब्बा निर्देशित 'जारी २' र टंक बुढाथोकी निर्देशित 'मन बिनाको धन' एकसाथ रिलिज भएका हुन्।
हलहरूले दयाहाङ राई र मिरूना मगर अभिनीत फिल्म 'जारी २' लाई उच्च शो दिएका छन्। फिल्मको हाइप र दर्शकीय अपेक्षाअनुसार यसले राम्रो शो पाएको हो। 'मन बिनाको धन' ले भने तुलनात्मक रूपमा कम शो पाएको छ।
'जारी २' २०८० सालमा रिलिज सुपरहिट फिल्म ‘जारी’ को सिक्वेल हो। यसमा दयाहाङ र मिरूनासहित विजय बराल, बुद्धि तामाङलगायतको अभिनय छ।
त्यस्तै, 'मन बिनाको धन' बालगायक अशोक दर्जीले शीर्ष भूमिका निर्वाह गरेको फिल्म हो। यसमा अशोकसहित सरोज खनाल, नीता ढुंगाना, बुद्धि तामाङलगायतको अभिनय छ।
हलमा यसअघि रिलिज 'परान', 'जेरी अन टप' लगायतका फिल्महरू पनि प्रदर्शनरत छन्।
-1746009348.jpg)
