विक्की महर्जन निर्देशित फिल्म 'आउटल: दफा २१९' ले बक्स अफिसमा राम्रो कमाइ गरिरहेको छ।
बिहीबारदेखि रिलिजमा आएको फिल्मले दर्शकको सुखद साथ पाइरहेको छ। अमित अग्रहरीले निर्माण गरेको फिल्मले हालसम्म गरेको कमाइको आँकडा सार्वजनिक भएको छ।
निर्माणपक्षले सार्वजनिक गरेको आँकडामा फिल्मले ४ दिनमा २ करोड ३ लाख कमाएको छ। अभिनेता सुशील श्रेष्ठले पनि दर्शकहरूको अपार माया पाउँदै फिल्मले राम्रो कमाइ गरिरहेको उल्लेख गरेका छन्।
एक्सन तथा सामाजिक कथामा निर्माण भएको फिल्मले न्यायको विषय उठान गरेको छ। फिल्मको कथावस्तु, प्रस्तुति, मेकिङलाई दर्शकले निकै रूचाएका छन्। यही कारणले पनि दर्शकको आकर्षण फिल्मप्रति बढेको हो।
फिल्ममा सुशील श्रेष्ठ, नरेश पौडेल, शिक्षा संग्रौला लगायतका कलाकारहरुको अभिनय छ।
