यही फागुन २९ गतेबाट प्रदर्शनमा आउन लागेको फिल्म 'आउट लः दफा २१९' को ओएसटी सार्वजनिक गरिएको छ।
'अन्धो कानुन' बोलको गीतले नेता र सरकारमाथि आक्रोश पोखेको छ।
मिस्टर डीले तयार पारेको यो गीतमा उनकै र्याप र संगीत छ। नितु पुनले पनि गीतमा स्वर दिएकी छिन्।
यो गीतको भिडिओमा दिर्घ धामीको कन्सेप्ट, सम्पादन र निर्देशन छ। सलिनाको कार्यकारी निर्देशन रहेको गीतको भिडिओमा सलिना सुनार र साजेश बलामी पनि निर्देशन टिममा छन्। भिडिओमा राजेश कुटुको कोरियोग्राफी छ।
विक्की महर्जनको लेखन तथा निर्देशन रहेको 'आउट लः दफा २१९' मा सुशील श्रेष्ठ, शिक्षा संग्रौला, नरेश पौडेल, सुमन भण्डारी, हेममान गुरुङ, सोनी लागुन, विशाल पहारी, महेश त्रिपाठी, मारिया कार्की, आयन परियार लगायतको अभिनय छ।
स्याडो फिक्चर्स र रेट्रो फिल्मसको प्रस्तुति रहेको फिल्ममा अमित अग्रहरी र निशा गुइडेको लगानी छ। विक्की महर्जन र दिर्घ धामीको पटकथा रहेको फिल्ममा विनोद कठायत कार्यकारी निर्माताको रूपमा छन्।
चुल्ठे काजीको एक्सन रहेको फिल्ममा नविन गुरूङको छायांकन, साहिल खानको सम्पादन छ। फिल्मको ट्रेलरलाई दर्शकको राम्रो प्रतिक्रिया दिएका छन्। यसको मेकिङ, प्रस्तुति, कलाकारहरुको अभिनय र एक्सनको तारिफ भएको छ।
फागु पूर्णिमाको अवसर पारेर प्रदर्शनमा आउन लागेको फिल्मले दर्शकको मन जित्ने विश्वास निर्माण टिमको छ।
