फिल्म 'जनै हराएको बाहुन' को प्रदर्शन मिति घोषणा गरिएको छ।
आगामी वर्षको हरितालिका तीज अर्थात् भदौ १० गते फिल्म रिलिज हुने भएको हो। फिल्म नेपाल र नेपालबाहिर एकैदिन रिलिज हुने निर्माणपक्षले जनाएको छ।
यो फिल्ममा मुख्य भूमिकामा लागि विजय बराल र मनिष राउत अनुबन्धित छन्।
आमा र छोराबीचको भावनात्मक कथा फिल्ममा देखाइने छ। 'जनै हराएको बाहुन' हिमाल न्यौपानेले निर्देशन गर्नेछन्। उनको यो डेव्यु निर्देशन हुनेछ।
पेपरक्लिप प्रालिले निर्माण गर्न लागेको यो फिल्मको एसोसियट निर्देशकमा 'प्रेमगीत ३' अभिनेता मनिष राउत छन्।
फिल्मको कथा, पटकथा र संवाद भानुभक्त ढकालले लेखेका छन्।
यसमा नवीन गुरूङ छायांकार, क्रियटिभ निर्देशक सम्राट महर्जन (ज्याक), भिएफएक्स सुपरभाइजरका रूपमा मयंक निरौलाले काम गर्देछन्।
फिल्म आगामी महिना छायांकनमा जानेछ।
