वर्षौपछि भेटिएका साथीहरूको कथामा फिल्म 'तीनतारा' बन्ने भएको छ।
माउण्टेन र्याट्स मोसन पिक्चर्सको ब्यानरमा बनिरहेको फिल्मको छायांकन हालै सकिएको छ।
फिल्मलाई जीवन दाहालले निर्देशन गरेका हुन्।
मोरङ र सुनसरीका विभिन्न स्थानमा खिचिएको फिल्ममा १५ वर्षपछि भेटिएका साथीहरूको जीवन, सम्बन्ध र परिवर्तनको कथा देखाइने जनाइएको छ।
फिल्ममा घनश्याम जोशी, उत्तम पाण्डे, दीपेन्द्र शाही, रुपेश तामाङ, अशोक गौतम, नवीन चन्द्र अर्याल, सबिन भट्टराई, भरत कार्की, सुष्मा निरौला लगायतले अभिनय गरेका छन्।
निर्देशक दाहाल आफैंले लेखेको कथाले मित्रताको महत्व, जीवनका उतारचढाव र समयले ल्याउने परिवर्तनलाई प्रस्तुत गर्ने बताइएको छ।
फोटोग्राफी निर्देशन अतुल आनन्द र छायांकार पवन सिग्देल रहेको फिल्मको पोस्ट–प्रोडक्सनको काम आरपी प्रोडक्सन्सले गर्ने जनाइएको छ। फिल्मको प्रदर्शन मिति चाँडै घोषणा गर्ने तयारी छ।
