शुक्रबारदेखि प्रदर्शनमा आउन लागेका नेपाली फिल्म 'दुःखी आत्मा' र 'रंगी' को हलहरूले अग्रिम टिकट बुकिङ खुलाएका छन्।
देशकै ठूलो मल्टिप्लेक्स चेन क्युएफएक्सलगायतका हलले शो तालिका सार्वजनिक गर्दै बुकिङ खुला गरेका हुन्।
हलमा 'दुःखी आत्मा' को तुलनामा 'रंगी' ले निकै कम शो पाएको छ।
क्युएफएक्सले काठमाडौं उपत्यकाभित्र 'दुःखी आत्मा' लाई २६ शो दिएको छ। 'रंगी' लाई क्युएफएक्सले काठमाडौं उपत्यकाभित्र ६ शो मात्र दिएको छ।
आईएनआईले 'दुःखी आत्मा' लाई ४ वटा आउलेटमा १७ शो दिएको छ भने 'रंगी' ले ४ शो पाएको छ।
वान सिनेमाजले 'दुःखी आत्मा' लाई ९ शो उपलब्ध गराउँदा 'रंगी' लाई ३ शो दिएको छ।
दीपेन्द्र लामा निर्देशित 'दुःखी आत्मा' मा दयाहाङ राई र आँचल शर्मा मुख्य भूमिकामा छन्।
सुरेश न्यौपाने निर्देशित 'रंगी' मा सलोन बस्नेत, नम्रता श्रेष्ठ, दिलीप रायमाझीले मुख्य भूमिका निर्वाह गरेका छन्।
अलग–अलग जनराका यी फिल्म भ्यालेन्टाइन डेको अवसर पारेर प्रदर्शनमा आउन लागेका हुन्।
