यही माघ २५ गतेबाट प्रदर्शनमा आउने हरर फ्यामिली ड्रामा 'ममी' को ट्रेलर सार्वजनिक गरिएको छ।
१ मिनेट ५७ सेकेण्डको ट्रेलर फिल्मका मुख्य कलाकार प्रियंका कार्की र सुलक्षण भारतीको संवादबाट सुरू हुन्छ। ट्रेलरमा प्रियंका विगतको कुनै घटनाले डराइरहेकी छन्।
विभिन्न अप्रत्याशित घट्ना र अलौकिक पात्रहरूलाई डरलाग्दो तरिकाले ट्रेलरमा समेटिएको छ। सार्वजनिक ट्रेलरले दर्शकमाझ कौतुहलता पैदा गर्ने देखिन्छ।
समर निरौलाको निर्देशन रहेको यो फिल्ममा प्रिंयका र सुलक्षणसँगै दीया मास्के, समीप निरौला, घनश्याम जोशी, आयुषी ढकाल, जेभिस श्रेष्ठ, गुराँस ढकाल, गीत विष्ट लगायत कलाकारहरूको अभिनय छ।
सो ट्वान्टी फाइभको प्रस्तुतिमा निर्माण भएको फिल्मको लेखन निर्देशक निरौला र पूर्णिमा जोशीले मिलेर लेखेका हुन्।
निर्माता लोकराज जोशी तथा पूर्णिमा जोशी हुन भने कार्यकारी निर्मातामा सुमन कोइराला छन्।
निशाल पौडेल र शरद महतोको डिओपी रहेको फिल्म सुरेन महर्जनले सम्पादन गरेका हुन्। 'ममी' काठमाडौं उपत्यकामा काफिया फिल्मस् र मोफसलमा कुवेर सिने डिष्ट्रीव्युसनले वितरण गर्दैछन्।
