निर्माण तयारीमा रहेको फिल्म 'माइतीघर' मा अभिनेता धीरज मगर अनुबन्धित भएका छन्।
निर्माता रोहित अधिकारीले धीरजको प्रवेशसँगै मुख्य कलाकारहरूको लाइनअप पूरा भएको बताए।
यसअघि यो फिल्ममा केदार घिमिरे (माग्ने बुढा), प्रकाश सपुत, उपासनासिंह ठकुरी र दिकिला शेर्पा अनुबन्धित भैसकेका छन्।
रोहित अधिकारी फिल्मस्को प्रस्तुति रहने 'माइतीघर' लाई मिलन तामाङले निर्देशन गर्नेछन्। चन्द्रबहादुर दोङको कथा, रामशरण पाठकको पटकथा र संवाद रहने फिल्मको निर्मातामा रविन शेरचन र धिरज तामाङ छन्।
चैत अन्त्यदेखि छायांकन थाल्ने तयारी रहेको फिल्म सुशन प्रजापतिले खिच्नेछन्।
'माइतीघर' आगामी दशैंको फूलपातिमा रिलिज हुने निर्माता अधिकारीले बताए।
