शुक्रबारदेखि हलमा नेपाली 'कार्साङ' सँगै भारतीय फिल्म 'गेम चेन्जर' पनि रिलिज भएको छ।
दयाहाङ राई अभिनीत 'कार्साङ' शेर्पा समुदायको कथावस्तुमा आधारित फिल्म हो।
फिल्मले सांस्कृतिक पृष्ठभूमिमा पारिवारिक सम्बन्धको कथा भन्नेछ। यसमा दयाहाङसँगै जितु नेपाल, दीया मास्के, सिर्जना निङ्लेखु, बुद्धि तामाङ, रविन्द्र झा लगायत कलाकारहरूको अभिनय छ।
फिल्म यम शेर्पाले लेखन तथा निर्देशन गरेका हुन्। यो फिल्मले हलमा सुखद् शो पाएको छ। छायांकारसमेत रहेका पुरूषोत्तम प्रधान फिल्मको निर्माता हुन्। आङछिरिङ शेर्पा प्रस्तुतकर्ता हुन्।
यस्तै 'गेम चेन्जर' दक्षिण भारतीय अभिनेता रामचरण स्टारर फिल्म हो। एक्सन ड्रामा यो फिल्मलाई एस. शंकरले निर्देशन गरेका हुन्।
यसमा रामचरणसहित कियारा अडवानी, अञ्जली, एस. जे. सूर्या लगायतको अभिनय छ।
