दयाहाङ राई र आँचल शर्माको शीर्ष अभिनय रहेको फिल्म 'दुःखी आत्मा' को फर्स्टलुक पोस्टर सोमबार सार्वजनिक गरिएको छ।
सार्वजनिक तीनवटा पोस्टरमध्ये एउटामा अभिनेता दयाहाङलाई मात्र देखाइएको छ। अर्कोमा दयाहाङ र आँचल प्रेमिल भावमा छन्। बाँकी अर्कोमा भने फिल्मका शीर्ष अन्य कलाकारलाई पनि स्थान दिइएको छ।
दीपेन्द्र लामाको लेखन तथा निर्देशन रहेको 'दुःखी आत्मा' मा दयाहाङ र आँचलसहित अनुपविक्रम शाही, बुद्धि तामाङ, रेअर राई, दीया मास्के, पुष्कर गुरूङ, कविता आले, लोकेन्द्र लेखक, अशान्त शर्मा लगायत कलाकारको अभिनय छ।
क्लक वर्क क्रिएसनको प्रस्तुति रहेको फिल्मको निर्माता हिमाल कडरिया हुन्। सुदिप ढकाल कार्यकारी निर्माता रहेको फिल्ममा कवि श्रवण मुकारूङका विभिन्न १० वटा कविता पनि समेटिएको छ।
आलोक शुक्लाको छायांकन रहेको फिल्म निमेष श्रेष्ठले सम्पादन गरेका छन्।
फिल्म भ्यालेन्टाइन डेको अवसर पारेर फागुन २ गतेदेखि प्रदर्शनमा आउनेछ। यसलाई आरआर फिल्मस्ले वितरण गर्दैछ।
