आइफोनबाट खिचिएको फिल्म 'अ प्लेस अन्डर द सन' ओटिटी प्लेटफर्म 'एमएसएम भिडिओ' मा सार्वजनिक भएको छ।
केही हप्ताअघि अमेजन प्राइम भिडिओ अमेरिका र क्यानडामा रिलिज गरिएको फिल्मलाई हालै एमएसएम भिडिओमा स्ट्रिमिङ गरिएको हो।
केही महिना अघि काठमाडौंमा गरिएको प्रिमियरमा फिल्मलाई दर्शकले सकारात्मक प्रतिक्रिया दिएका थिए।
एमएसएम भिडिओमा यसअघि बेहुली फ्रम मेघौली, फर्की फर्की, खुस्मा, अगस्त्य इत्यादी फिल्म आइसकेका छन्।
१ घन्टा ३५ मिनेटको 'अ प्लेस अन्डर द सन' क्राइम–ड्रामा जनराको फिल्म हो।
फिल्म जेसन लोप्चनले लेखन तथा निर्देशन गरेका हुन्। फिल्ममा मिन घलान, मिरा गुरुङ, प्रवेश एम्सी, अन्शु शर्मा, विप्लव गौली, प्रजन पौडेल, रिदें श्रेष्ठ लगायतको अभिनय छ। बाल्यकालदेखि मिल्ने ३ साथीको कथा फिल्मले पेस गर्छ। निर्मातामा उमेश खड्का र छायांकार प्रबिन लिम्बु छन्।
फिल्मको ट्रेलर ओएसआर डिजिटलको युट्युबमा सार्वजनिक छ।
