चर्चित टिकटकर आयुषसिंह ठकुरी र एलिजे जमाली टिकटकमा देखिएका छैनन्।
सोमबारबाट उनीहरूको आधिकारिक टिकटक अकाउन्ट देखिएको छैन। उनीहरूले आफै अकाउन्ट डिएक्टिभ गरेका हुन् कि टिकटकले प्रतिबन्ध लगाएको हो खुलेको छैन।
पछिल्लो समय एलिजेले नेपालीप्रति विवादस्पद टिप्पणी गरेकी थिइन्। केही समयदेखि आयुष पनि आफ्नो आमा नानुसिंह ठकुरीसँगको विवादलाई लिएर आलोचना खेप्दै आएका थिए।
उनीहरूका फ्यानले बनाएका टिकटक अकाउन्ट भने थुप्रै देख्न सकिन्छ।
आयुष र एलिजेले केही महिनाअघि इन्गेजमेन्ट गरेका थिए। गतसाता मात्रै आयुषले नयाँ घर किनेको खबर सार्वजनिक भएको थियो।
