आइफोन १४ प्रो म्याक्सबाट खिचिएको नेपाली फिल्म 'अ प्लेस अन्डर द सन' अमेजन प्राइम भिडिओमा सार्वजनिक भएको छ।
केही महिना अगाडि काठमाडौंमा प्रिमियर गरिएको फिल्म अमेजन प्राइममा स्ट्रिमिङ गरिएको हो।
अहिले फिल्मलाई अमेरिका र क्यानडाको सर्भरमा हेर्न सकिनेछ। छिट्टै अन्य अन्य देशहरूमा समेत हेर्न पाइने बताइएको छ।
अमेजन प्राइममा रिलिज फिल्मको ट्रेलर ओएसआर डिजिटलको युट्युबबाट सार्वजनिक गरिएको छ।
जेसन लोप्चनको लेखन तथा निर्देशन रहेको यो फिल्ममा मिन घलान, मिरा गुरुङ, प्रवेश एम्सी, अन्शु शर्मा, विप्लव गौली, प्रजन पौडेल, रिदें श्रेष्ठ लगायतको अभिनय छ।
बाल्यकालदेखि मिल्ने ३ साथीको कथामा फिल्म बनेको छ। अस्कर फिल्म कलेजबाट ब्याचलर पास गरेका विद्यार्थीहरूले फिल्म बनाएका हुन्।
वान स्क्वाड फिल्मको ब्यानरमा बनेको फिल्ममा सह–निर्मातामा उमेश खड्का छन्।
