फिल्म 'पूर्ण बहादुरको सारंगी' आज रिलिज भएको छ। विजय बराल र प्रकाश सपुत अभिनीत यो फिल्म लक्ष्मीपूजाको अवसर पारेर देशभरका हलमा प्रदर्शनमा आएको हो।
सरोज पौडेलको लेखन तथा निर्देशन रहेको फिल्मले गन्धर्व समुदायको कथा भन्छ।
फिल्ममा विजय र प्रकाशसँगै मुकुन भुसाल, अञ्जना बराइली, मुकुन भुसाल, बुद्धि तामाङ लगायत कलाकारहरूको अभिनय छ। निर्मातामा विनोद पौडेल र प्याट्रिक सुवेदी छन्।
'पूर्ण बहादुरको सारंगी' ले मल्टिप्लेक्स हलमा राम्रो शो पाएको छ।
चौथो सातामा '१२ गाउँ' र 'छक्का पञ्जा ५'
हलमा दसैंमा रिलिज फिल्म '१२ गाउँ' र 'छक्का पञ्जा ५' को दबदबा कायमै छ।
अहिले पनि राम्रो शो र अकुपेन्सीसहित प्रदर्शन भइरहेका यी फिल्महरू आजबाट चौथो सातामा प्रवेश गरेका छन्।
