नेपाल ओलम्पिक कमिटी (एनओसी) का अध्यक्ष जीवनराम श्रेष्ठले शुक्रबार स्वास्थ्यसम्बन्धी काम गर्ने संस्था पाथ र हेल्थ कन्सर्नका प्रतिनिधिसँग भेट गरेका छन्।
अन्तर्राष्ट्रिय ओलम्पिक कमिटी (आइओसी) र विश्व स्वास्थ्य संगठन (डब्ल्यूएचओ) द्वारा संयुक्तरुपमा रुपमा सुरु गरिएको परियोजनाको प्रगतिबारे छलफल गर्न अध्यक्ष श्रेष्ठले पाथकी प्रतिनिधि सन्जु गैतम र हेल्थ कन्सर्नका कृष्णप्रसाद ढकालसँग बैठक बसेका हुन्।
सो बैठकमा एनओसीका उपाध्यक्ष चतुरानन्द राजवैद्य र महासचिव राजीव श्रेष्ठको पनि उपस्थिति रहेको थियो
खेलकुद र स्वास्थ्य परियोजनाको समन्वयका लागि एनओसीसँगको सहकार्यमा पाथलाई जिम्मेवारी दिइएको हो । हेल्थ कन्सर्नले यससम्बन्धी कार्यक्रमहरुको कार्यान्वयन गरिरहेको छ। हेल्थ कन्सर्न बोलकबोल प्रक्रियामार्फत् यो परियोजनामा काम गर्न चयन भएको थियो । यो परियोजनालाई आइओसी र डब्ल्यूएनओको आर्थिक सहयोग रहेको छ ।
आइओसी र डब्ल्यूएचओले पहिलो चरणमा नेपालसहित भियतनाम, पेरु, तान्जानिया र घाना गरी पाँच देशलाई यो परियोजना प्रदान गरेको छ।
नेपालमा बागमती प्रदेशको खेलकुद तथा स्वास्थ्य मन्त्रालयले चार जल्ला चितवन, ललितपुर, मकवानुर र नुवकोटलाई यो परियोजनाका लागि चयन गरेको छ। यस परियोजनाको प्राथमिक उद्देश्य खेलकुदमार्फत् स्वास्थ्य प्रवर्धन गर्नु रहेको छ ।
दोस्रो चरणमा नेपाल र भियतनामलाई मात्र छनोट गरिएको छ । यस परियोजनाअन्तर्गत भएका कामको अनुगमन र मूल्याङ्कन गर्न डिसेम्बरको दोस्रो साता आइओसीको परिवेक्षक टोलीले नेपालको भ्रमण गर्ने जनाइएको छ।
-1746009348.jpg)
