सिद्धार्थ बैंक नेपाल प्रिमियर लिग (एनपिएल) मा लिग चरणको अन्तिम खेलमा कर्णाली याक्सले सुदूरपश्चिम रोयल्सलाई १०२ रनको सामान्य लक्ष्य दिएको छ।
कीर्तिपुरस्थित त्रिवि मैदानमा सोमबार सुदूरपश्चिमले टस जितेर फिल्डिङ रोजेपछि पहिले ब्याटिङ गरेको कर्णाली २० ओभरमा १०१ रनमै अलआउट भयो।
कर्णालीका लागि जीशन मक्सुदले सबैभन्दा बढी ३० रन जोडे। उनले ३५ बलमा ४ चौका प्रहार गरे।
विलियम बासिस्टोले १६ रन, चाडविक वाल्टन र सोमपाल कामीले ११-११ रन र बाबर हायतले १३ रन जोडे।
कर्णालीका ब्याटरलाई चल्न नदिन सुदूरपश्चिमका हरमित सिंहले ३ विकेट लिए भने दीपेन्द्रसिंह ऐरी र स्कट कुगेलेइनले २-२ विकेट लिए।
सुदूरपश्चिम प्लेअफमा पुगिसकेको छ। आजको जितले उसको शीर्ष स्थान पक्का हुनेछ। यता कर्णालीले ठूलो अन्तरले पराजित भए मात्र बाहिरिने अवस्थामा छ। कर्णाली बाहिरिए काठमाडौं गुर्खाजले प्लेअफमा पुग्नेछ।
