सिद्धार्थ बैंक नेपाल प्रिमियर लिग (एनपिएल)मा काठमाडौं गुर्खाजले लिगको अन्तिम खेलमा पहिले बलिङ गर्ने भएको छ।
त्रिवि मैदान कीर्तिपुरमा विराटनगर किंग्सविरूद्ध लिगको अन्तिम खेलमा काठमाडौंले टस जितेर पहिले बलिङ गर्ने निर्णय गरेको हो।
प्लेअफ सम्भावना कायम राख्न काठमाडौंले आजको खल जित्नैपर्ने दबाब छ। विराटनगर प्लेअफ होडबाट बाहिरिसकेको छ।
शनिबार चितवन राइनोजले जनकपुर बोल्ट्सलाई पराजित गरेपछि विराटनगर र पोखरा राइनोज् प्लेअफ होडबाट बाहिरिएको हो।
अंक तालिकामा पाँचौं स्थानमा छ काठमाडौं। उसले आजको खेल जितेपछि ८ अंक बनाउँदै चौथो स्थानको कर्णाली याक्ससँग समान अंक बनाउनेछ।
कर्णालीले अन्तिम खेल सुदूरपश्चिमसँग खेल्दैछ। त्यसकारण काठमाडौंका लागि आजको खेल महत्त्वपूर्ण हुनेछ।
जनकपुर बोल्ट्स यसअघि नै प्लेअफमा पुगिसकेको छ। सुदूरपश्चिम दोस्रो स्थानमा, चितवन तेस्रो र कर्णाली चौथो स्थानमा छ। चार शीर्ष टिमले प्लेअफ खेल्नेछ।
