१३ औं दक्षिण एसियाली खेलकुद (साग) मा नेपाल ४१ स्वर्णसहित अंकतालिकाको दोस्रो स्थानमा यथावत छ। ८१ स्वर्णसहित भारत अंकतालिकाको शीर्ष स्थानमा छ।
बिहीबार ३६ स्वर्ण जितेको नेपालले शुक्रबार ५ स्वर्ण थपेको हो। नेपालका लागि पौडीमा गौरिका सिंह, ५ हजार मिटर दौडबाट गोपीकृष्ण कार्पी र भारत्तोलनबाट विकास थापाले स्वर्ण दिलाए। यसैगरि नेपालले गल्फको व्यक्तिगत र टिम इभेन्टबाट थप एकएक स्वर्ण थपेको छ।
जारी सागमा नेपालले शुक्रबारसम्म ५९ रजत र २५ कास्य जितेको छ।
२३ स्वर्णसहित श्रीलंका तेस्रो र १९ स्वर्णसहित पाकिस्तान चौथो स्थानमा छ।
४ स्वर्ण जितेको बंगलादेस पाँचौ स्थानमा छ भने १ स्वर्णसहित माल्दिभ्स छैठौं स्थानमा छ। एक स्वर्ण पनि नबटुलेको भुटान अंकतालिकाको पुछारमा छ। भुटानले ६ कास्य जितेको छ।
भारतमा भएको सागको अघिल्लो संस्करणमा नेपाल जम्मा ३ स्वर्णसहित घर फर्किएको थियो। नेपालले उसु, जुडो र पुरुष फुटबलमा स्वर्ण जितेको थियो।
| Participating Country | |  Gold |  Silver |  Bronze | Total |
|---|
| India |  | 81 | 59 | 25 | 165 |
| Nepal |  | 41 | 27 | 48 | 116 |
| Sri Lanka |  | 23 | 42 | 69 | 134 |
| Pakistan |  | 19 | 25 | 29 | 73 |
| Bangladesh |  | 4 | 18 | 51 | 73 |
| Maldives |  | 1 | 0 | 2 | 3 |
| Bhutan |  | 0 | 0 | 6 | 6 |
