स्कुल अफ म्यानेजमेन्टलाई फुटसल उपाधि


दोस्रो त्रिवी अन्तरविभागीय फुटसल प्रतियोगिताको पुरुषमा स्कुल अफ म्यानेजमेन्ट र महिलामा समाजशास्त्र विभाग च्याम्पियन भएको छ। मदन भण्डारी स्पोर्टस् एकेडेमी त्रिभूवन विश्वविद्यालय कमिटीद्वारा कीर्तिपुरमा आयोजित फुटसल प्रतियोगितामा पुरुषमा फिजिक्स विभाग र महिलामा म्यानेजमेन्ट विभाग दोस्रो स्थानमा रहे।

साउन १९ देखि भएको प्रतियोगिताको बेस्ट प्लेयरमा अनुपम मरासिनी र बेस्ट किपरमा रुद्रमनि दाहाल घोषित भएका छन्।

लिग कम नकआउटको आधारमा भएको प्रतियोगितामा कुल २८ टोलीको सहभागिता रहेको थियो।

यही अवसरमा नरेन्द्र आरसीको अध्यक्षतामा ३९ सदस्यीय मदन भण्डारी स्पोर्टस् एकेडेमी त्रिवि कमिटी गठन गरिएको छ।

प्रतियोगिताको विजेता खेलाडीलाई एमाले नेता शंकर पोखरेल, मदन भण्डारी स्पोर्टस् एकेडेमीका अध्यक्षसमेत रहेका सांसद विनोद श्रेष्ठ, भेरी नगरपालिका मेयर सिबी घर्ती,, अनेरास्ववियूका उपाध्यक्ष सुनिता बराल र अनेरास्ववियूकै केन्द्रीय सदस्य सुमनराज कार्कीले पुरस्कार वितरण गरे।

Share:

© 2017 Setopati Sanchar Pvt. Ltd.