काठमाडौं उपत्यकामा आईतबारबाट इन्द्रजात्रा सुरु भएको छ। काठमाडौंको बसन्तपुरस्थित हनुमानढोकामा ३६ हात लामो लिंगो ठड्याएर इन्द्रजाताको सुरुवात गरिएको हो।
भक्तपुरको चित्तपोलबाट ल्याइएको लिंगो हुनमानढोकामा ठड्याएपछि इन्द्रजात्रा सुरु गर्ने चलन गरेको केन्द्रीय मानन्धर संघका अध्यक्ष गोपालकृष्ण मानन्धरले जानकारी दिए। यो लिंगो गाड्ने चलन शाह वंशीय राजा प्रतापसिंह शाहको पालामा सुरू भएको मानिन्छ।
इन्द्र जात्रा सुरु भएसँगै यसको विशेष आकर्षण मानिने पुलुकिसी र लाखेनाच पनि सुरु भएको छ।
एक सातासम्म चल्ने इन्द्र जात्राको मुख्य दिन आगामी मंगलबार कुमारी घरबाट काठमाडौंको तल्लो टोलमा कुमारी, गणेश र भैरवको रथ यात्रा गर्ने गरिन्छ । सोही दिन राष्ट्रप्रमुखको रुपमा राष्ट्रपतिले जात्रा अवलोकन गर्ने परम्परा छ । यसै अवसरमा केन्द्रिय मानन्धर संघले पहिलो पटक ६४ जना कन्याको पूजा पनि गरेको छ । सरकारले इन्द्रजात्राको अवसर पारेर मंगलबार सार्वजनिक विदा दिने घोषणा गरिसकेको छ।
https://www.youtube.com/watch?v=yM_4w2xvMKY
[caption id="attachment_81547" align="alignnone" width="826"]
हनुमानढोका परिसरमा आइतबार इन्द्रजात्राको लिङ्गो उठाउँदै श्रद्धालुहरू। आजदेखि इन्द्रजात्रा सुरू भएकाे छ। तस्बिर :अनिश रेग्मी/सेतोपाटी[/caption]
[caption id="attachment_81546" align="alignnone" width="826"]
इन्द्र जात्रा सुरू भएसँगै हनुमानढोका परिसरमा रहेको श्वेत भैरव मूर्ति सफा गर्दै गुठीका कर्मचारी। आजदेखि सुरू भएको जात्रामा विविध देवीदेवता सँगै जिउँदो देवी भनी चिनिने कुमारीको पुजा गर्ने धार्मिक परम्परा छ । तस्बिर:अनिश रेग्मी/सेतोपाटी[/caption]
