काठमाडौमा मनाइयो गौरा पर्व


सुदूरपश्चिमवासीले गौरा पर्व मंगलबार हर्षोउल्लासका साथ मनाइरहेका छन्।

यसै अवसरमा काठमाडौंमा बसोबास गर्दै आएका सुदूरपश्चिमवासीले पनि सैनिक मञ्च टुँडिखेलमा विशेष कार्यक्रम आयोजना गरे।

गौरा पर्वको मुख्य आकर्षण देउडा हो। देउडामा पौराणिक कथा, देवीदेवताका गाथा तथा सामाजिक विकृतिविरुद्ध व्यङ्ग गर्ने चलन छ। एकताको पर्वका रूपमा लिइने गौरा पर्वमा देउडा गीतका माध्यमबाट दुःख र माया साटासाट गर्ने चलन पनि छ।

प्रधानमन्त्री शेरबहादुर देउवासमेत सहभागी हुनु भएको कार्यक्रममा सुदूरपश्चिमवासीहरु देउडा गीतको नाचगानमा रमाइरहेका छन्।


भाद्र कृष्ण पञ्चमीको दिन सुरु भएको गौरा पर्वमा अष्टमीको दिने विवाहित महिलाहरुले ब्रत बसेर गौरा देवीको पूजाआजा गर्ने चलन छ। प्राचीन हैह्यवंशी राजामध्येका सहस्त्रार्जुनले आफ्नो धन फिर्ता माग्नेक्रममा भृगीवंशी ब्राम्हणलाई मारिदिएपछि विधवा भएका ब्राम्हणीहरुले आफ्नो सतित्व रक्षार्थ निराहर रही गरेको उपासनास्वरुप एक ब्राम्हिणीले तेजिलो पुत्रलाभ गरेको र सोही पुत्रको तेजले अन्धा हुन पुगेका सहस्त्रार्जुनले माफी माग्नु परेकाले गौरीलाई सर्वशक्तिमान सम्झी उनकै सम्झनामा गौरा पर्व मनाउन थालिएको किंवदन्ती छ।

Share:

© 2017 Setopati Sanchar Pvt. Ltd.