क्षेत्रपाटीबाट बालक अपहरण गर्ने मुख्य योजनाकार पक्राउ


नौ दिनअघि काठमाडौंको क्षेत्रपाटीबाट बालक अपहरण गर्ने मुख्य योजनाकारलाई प्रहरीले पक्राउ गरेको छ।

मुख्य योजनाकार राजु विकलाई महानगरीय अपराध महाशाखाको टोलीले पक्राउ गरेको हो ।

ललितपुर कुसुन्तीमा डेरामा बस्दै आएका उनले क्षेत्रपाटीका हार्यवेयर ब्यापारी अजय चौधरीका साढे ५ वर्षका छोरा विशालको अपहरण गरेका थिए।

विकसहित अपरहणमा सम्लग्न ४ जनालाई पक्राउ गरेको प्रहरीले पुष्टि गरेको छ।

बालक अपहरण गरी विकले ५० लाख फिरौती मागेका थिए। अपहरणकारीले बालकलाई भने गत सोमबार काडाँघारीबाट छाडेका थिए। विक बालकका बाबुका घनिष्ठ साथी हुन् ।

बालक अपहरण परेको दिन विक बालकका बाबुसँगै प्रहरी चौकीमा उजुरी गर्न गएका थिए।

Share:

© 2017 Setopati Sanchar Pvt. Ltd.