दुर्घटनामा एकको मृत्यु, नौ घाइते


जनकपुरढल्केवर सडकखण्डमा स्कुल बस र विपरीत दिशाबाट आइरहेको जिप ठोकिँदा एकको मृत्यु भएको छ भने नौ जना घाइते भएका छन् ।

जनकपुर उपमहानगरपालिका१४ मुजेलियास्थित बाबा पेट्रोल पम्प नजिकै उत्तरतर्फबाट आउँदै गरेको ना १ प ४८०५ नंको स्थानीय मोनाष्टिक स्कुलको बस र जनकपुरतर्फबाट गइरहेको को १ च ८५१७ नंको स्कारपियो जिप ठोकिँदा सिरहाको लहान नगरपालिका१२ की ललिता चौधरीको घटनास्थलमै मृत्यु भएको छ ।

दुर्घटनामा पूर्वसांसद सरितादेवी चौधरी तथा स्थानीयवासी हरेराम यादव, मणि कामत, सागरदेवी चौधरी, रामरती महरा र स्कारपियो चालक दिलीप चौधरीको हातखुट्टा र टाउकामा गम्भीर चोट लागेकाले उपचारका लागि विराटनगर न्युरो अस्पतालमा पठाइएको जिल्ला ट्राफिक प्रहरी प्रमुख हरिनन्दन चौधरीले जानकारी दिए। दुर्घटनामा अन्य सामान्य घाइते भएका तीन जनाको जनकपुर अञ्चल अस्पतालमा उपचार भइरहेको छ । रासस

Share:

© 2017 Setopati Sanchar Pvt. Ltd.