भूकम्पको स्मृतिमा साँझ बौद्धमा दीप प्रज्ज्वलन

२ वर्षअघि बैशाख १२ गते गोरखा भूकम्पमा ज्यान गुमाएकाहरुको स्मृतिमा बौद्ध स्तूपा परिसरमा दीप प्रज्ज्वलन गरिँदै। तस्बिरः नारायण महर्जन


गोरखा भूकम्पमा ज्यान गुमाएकाहरुको स्मृतिमा मंगलबार बौद्ध स्तूपा परिसरमा दीप प्रज्ज्वलन गरिएको छ। ‘वी विल राइज फाण्डेसन’ नामक संस्थाले दुई वर्षअघि आजकै दिन भूकम्पमा ज्यान गुमाएकाहरुको सम्झनामा दीप प्रज्ज्वलन गरेको हो। स्थानीयबासी, विद्यार्थी लगायतको दीप प्रज्ज्वलन कार्यक्रममा सहभागिता थियो । उनीहरुले दीप प्रज्ज्वलन गरी स्तूपा परिक्रमा गरेका थिए।

२०७२ बैशाख १२ गते गोरखाको बारपाक केन्द्रविन्दु भएर ७ दशमवल ८ रेक्टर स्केलको भूकम्प जाँदा झण्डै ९ हजार व्यक्तिको ज्यान गएको थियो भने भौतिक संरचनाहरुमा पनि व्यापक क्षति भएको थियो। विश्व सम्पदा सूचीमा सूचिकृत बौद्ध स्तुपामा पनि भूकम्पले क्षति पुगे पनि स्थानीयको पहलमा पुनर्निर्माण गरिएको थियो।

Share:

© 2017 Setopati Sanchar Pvt. Ltd.