बाराको सिमरा चोकमा प्रदर्शन गरिरहेका जेनजी समूहमाथि बुधबार कुटपिट गरेको आरोपमा दुई जना पक्राउ परेका छन्।
जिल्ला प्रहरी कार्यालयका एसपी सन्तोष तामाङका अनुसार ४५-४६ वर्षका धनबहादुर श्रेष्ठ र कैमदुन अन्सरीलाई पक्राउ गरिएको हो।
उनीहरूलाई बिहीबार बिहान बारा जिल्लाबाटै पक्राउ गरिएको उनले जानकारी दिए।
'हामीले दुई जनालाई नियन्त्रणमा लिएका छौं। अरूको खोजी हुँदैछ,' एसपी तामाङले भने।
उनका अनुसार जेनजी समूहले बुधबार आफूमाथि कुटपिट भएको भन्दै ७-८ जनाविरूद्ध कुटपिट र अभद्र व्यवहार कसुरमा जाहेरी दिएका छन्।
बुधबार बाराको सिमरा विमानस्थल गेट अगाडि एमाले कार्यकर्ता र जेनजी प्रदर्शनकारीबीच झडप भएपछि कर्फ्यू लगाउनुपर्ने स्थिति आएको थियो।
एमालेले बाराको परवानीपुरमा आयोजित आफ्नो कार्यक्रम भाँड्न जेनजी युवाहरूले अवरोध खडा गरेको आरोप लगाएको छ। जेनजी प्रतिनिधिहरूले भने एमाले कार्यकर्ताबाट आफूमाथि कुटपिट र दुर्व्यवहार भएको दाबी गरिरहेका छन्।
यो पनि पढ्नुहोस्:
-1746009348.jpg)
