सिद्धार्थ बैंक नेपाल प्रिमियर लिग (एनपिएल)मा सट्टेबाजी गराउन खोज्ने दुई जनालाई प्रहरीले पक्राउ गरेको छ।
कीर्तिपुरमा जारी खेलमा खेलाडीहरूलाई स्पोन्सर गर्ने भनेर ह्वाट्सएप र इन्स्टाग्राममार्फत सम्पर्क गरी हारजितमा प्रभाव पार्न खोजेको भन्दै प्रहरीले दुई जनालाई पक्राउ गरेको एसपी काजीकुमार आचार्यले जानकारी दिए।
पक्राउ पर्नेमा दुबै जना भारतीय नागरिक हुन्। २८ वर्षीय दिलप्रित सिंह र २४ वर्षीय रेविका सिंह ठकुरी छन्।
उनीहरूले हारजीतमै प्रभाव पार्न आर्थिक प्रलोभन देखाएको भन्ने सूचना प्रहरीले पाएको थियो। उक्त प्रलोभनमा पारेको सूचना पाएपछि दुबै जनालाई प्रहरीले लाजिम्पाटबाट पक्राउ गरेको हो।
‘सुरूमा विज्ञापनका लागि भनेर मेसेज गरे। त्यसपछि बेटिङका लागि प्रलोभन दिएर मनाउने प्रयास भएको देखियो। खेलाडी त्यसपछि रिपोर्ट गरेका हुन्,’ एसपी आचार्यले भने।
थप अनुसन्धानका लागि जिल्ला प्रहरी परिसर भद्रकालीमा पठाएको छ।
-1762697175.jpg)
-1746009348.jpg)
