झापाको वीरता जेसीजले ‘जेसीज सप्ताह–२०२५’ अन्तर्गत सोमबार ट्राफिक सचेतना कार्यक्रम सम्पन्न गर्दै सडक सुरक्षा प्रवर्द्धनका लागि सचेतनामूलक बोर्ड र स्टिकर प्रदान गरेको छ।
वीरता जेसीजका अध्यक्ष युवराज कुँवरको अध्यक्षतामा बिर्तामोडस्थित जिल्ला ट्राफिक प्रहरी कार्यालयको परिसरमा आयोजित कार्यक्रममा बिर्तामोड नगरपालिकाका नगरप्रमुख पवित्रा महताराको उपस्थितिमा सचेतनामूलक बोर्ड र स्टिकर प्रदान गरिएको हो।
कार्यक्रममा इलाका प्रहरी कार्यालय अनारमनीका प्रहरी नायब उपरीक्षक विजय श्रेष्ठ झापा जिल्ला ट्राफिक प्रमुख प्रहरी निरीक्षक सन्तोष राई, बिर्तामोड–४ का वडाध्यक्ष राहुल शर्मा, बिर्तामोड–५ का वडाध्यक्ष रोहित प्रसाई, अर्जुनधारा जेसीजका अध्यक्ष बेदनारायण गोदार थापा, देवी माविका अध्यक्ष आशिष वन, कनकाई क्याम्पस स्ववियू सभापति किरण गुरुङ, पत्रकार महासंघ झापाका उपाध्यक्ष सुब्रत न्यौपाने, विर्तामोड उद्योग वाणिज्य संघका सदस्य विपिन बजगाईलगायत अतिथिको उपस्थिति थियो।
कार्यक्रममा ट्राफिक नियमसँग सम्बन्धित सचेतनामूलक बोर्डहरु प्रदान गर्नुका साथै सडक दुर्घटना न्यूनिकरणका उद्देश्यले तयार गरिएको स्टिकर अतिथिहरूले विभिन्न सवारी साधनमा टाँसेर चेतनामूलक अभियानको शुरुवात गरेका छन्।
जेसीज सप्ताह अन्तरगत चौथो दिन मनाइएको यो पाँचौँ कार्यक्रममा संयोजक भूपेन्द्र भण्डारीले स्वागत मन्तव्य गरेका थिए। जनसम्पर्क अधिकारी अभिषेक गहतराजले जेसीज आस्था वाचन गरे। मिसन–भिजन खेलकुद संयोजक विवेक खड्काले राखेका थिए भने कार्यक्रम सञ्चालन महासचिव विज्ञानराज पौडेलले गरेका थिए।
-1746009348.jpg)
