भदौ २४ गते ‘जेनजी आन्दोलन’का क्रममा दाङका प्रहरी कार्यालयमा आगजनी गरेको आरोपमा प्रहरीले ९ जनालाई पक्राउ गरेको छ।
दाङका विभिन्न प्रहरी कार्यालय तथा सरकारी भवनमा आगजनी तथा तोडफोड गरेको आरोपमा पक्राउ परेका ९ जनालाई आइतबार सार्वजनिक गरेको हो। दुई दिनको अवधिमा उनीहरूलाई पक्राउ गरेको जिल्ला प्रहरी कार्यालयका एसपी दीपक श्रेष्ठले जानकारी दिए।
पक्राउ पर्नेमा घोराही-१५ का २४ वर्षीय सुनिल थापा मगर, २४ वर्षीय कुनाल श्रेष्ठ, २४ वर्षीय इनाहित कुरेसी, १८ वर्षीय टेकम डाँगी र १८ वर्षीय विवेक पुन मगर छन्। त्यस्तै घोराही–१३ का २९ वर्षीय महेश घिमिरे, घोराही–९ ढिकपुरका ३४ वर्षीय शरद बस्नेत र सल्यानको क्षत्रेश्वरी गाउँपालिका–४ का २६ वर्षीय अमरबहादुर वली पनि हिरासतमा छन्।
उनीहरूले जिल्ला ट्राफिक प्रहरी कार्यालय घोराहीमा तोडफोड, लुटपाट, चोरी र आगजनी गरेको आरोप छ।
घोराही–१५ भानुचोकस्थित प्रहरी बिटमा ढुंगामुढा, तोडफोड तथा आगजनी गरेको आरोपमा घोराही–१३ का २५ वर्षीय सन्दीप घर्ती पनि पक्राउ परेका छन्।
जिल्ला ट्राफिकमा तोडफोड र आगजनी गर्नेलाई पाँच दिन र वडा प्रहरी बिटमा तोडफोड र आगजनी गर्नेलाई सात दिन म्याद थप भएको हो ।
त्यस्तै, इलाका प्रहरी कार्यालय तुलसीपुर र उच्च अदालत तुलसीपुरमा तोडफोड तथा आगजनी गर्ने कार्यमा संलग्न दुई जनालाई पनि प्रहरीले नियन्त्रणमा लिएको छ। तर उनीहरूको नाम सार्वजनिक गरिएको छैन।
-1762695581.jpg)
-1746009348.jpg)
