बंगालको खाडीबाट भित्रिएको जलवाष्पयुक्त मनसुनी वायुले लुम्बिनीदेखि कोशीसम्म वर्षा गराइरहेको छ। जल तथा मौसम विज्ञान विभागले आज दिनभरि नै सघन वर्षा हुने बताएको छ। शनिबार रातिदेखि वर्षा अझै बढ्नेछ। आइतबार बिहान ८ बजेसम्म घनघोर वर्षाको सम्भावना छ।
वर्षापछि बाढी, पहिरोलाई ध्यानमा राखेर सरकारले काठमाडौं भित्रने र बाहिरिने राजमार्ग बन्द गराएको छ। तर तुइन खोलामा सवारी साधन सञ्चालनमा रहेको सडक डिभिजन भतपुरले जानकारी दिएको छ। त्यहाँ एकतर्फी बाटो छ।
‘दिउँसो ३ः१० बजे, मुग्लिन–नारायणगढ सडक खण्डमा पानी परिरहेको छ। तुइन खोला पुलनजिकै खसेको हाल सवारी आवागमन एकतर्फी सञ्चालनमा रहेको भए तापनि पानी परिरहेको र यस खण्डमा उच्च जोखिम बढेकोले अति आवश्यक अवस्था बाहेक यात्रा नगर्नुहुन यात्रा गर्नुपर्ने भए सम्बन्धित सुरक्षा निकायसँग समन्वय गर्नुहुन हार्दिक अनुरोध गर्दछौं,’ सडक डिभिजन भरतपुरले सामाजिक सञ्जाल फेसबुकमार्फत् भनेको छ।
विपदविदहरूले तुइन खोलाजस्तो सधै सुख्खा पहिरो झरिरहने स्थानमा जोखिम निम्त्याउँदै सवारी नचलाउन आग्रह गरेका छन्।
-copy-1761394385.jpg)
-1746009348.jpg)
