तुइनखोलामा पहिरो खस्न नरोकिँदा पन्छाउन सकस भइरहेको छ।
यहाँ शुक्रबार अपरान्हबाटै ढुंगा खसिरहेको छ। राति साढे ७ बजेदेखि सडक पूर्णरुपमा अवरुद्ध छ।
सडक डिभिजन कार्यालय भरतपुरले ढुंगा खस्न रोकिए ५ घन्टामा नारायणघाट-मुग्लिन सडकको पहिरो हटाउन सकिने जानकारी दिएको छ।
उक्त कार्यालयका अनुसार करिब ७० माथिबाट निरन्तर रूपमा ढुंगा झरिरहेको छ। पहिरोले सडकमा करिब १६० मिटर लम्बाइ, १० मिटर चौडाइ र १६ मिटर उचाइको गेग्रान जम्मा भएको छ।
अहिले सडक डिभिजनको २ वटा लोडर र नेपाल प्रहरीको एउटा लोडर परिचालन गरेर पहिरो हटाउने कार्य गरिरहेको जिल्ला ट्राफिक प्रहरी प्रमुख गायत्रिराज शर्माले जानकारी दिए। उनले ढुंगा खस्ने क्रम अझै नरोकिएको बताए।
‘ढुंगा खस्ने क्रम रोकिएको अवस्थामा थप तनवटा यान्त्रिक उपकरण सञ्चालन गरेर पहिरो हटाउने कार्य गर्न सकिने र करिब ५ घण्टामा पहिरो हटाई यातायात सञ्चालन गर्न सकिने छ,’ सडक डिभिजन कार्यालयले जारी गरेको सूचनामा उल्लेख छ।
जिल्ला प्रशासन कार्यालयले पनि सडक तत्काल खुल्ने सम्भावना कम भएकाले यात्रा गर्नु परे वैकल्पिक सडकको प्रयोग गर्न अनुरोध गरेको छ।
-1758343388.png)
-1746009348.jpg)
