काठमाडौं उपत्यकामा रहेका १२२ वटा प्रहरीका भवनमा पूर्ण रूपमा क्षति पुगेको छ।
मंगलबारसम्मको विवरण अनुसार काठमाडौं उपत्यकाभित्र रहेका १२२ वटा भवन पूर्ण रूपमा क्षति भएको काठमाडौं उपत्यका प्रहरी कार्यालय रानीपोखरीका एसएसपी शेखर खनालले जानकारी दिए।
उनका अनुसार ९६ वटा भवनमा आंशिक क्षति पुगेको छ। यसरी प्रहरीका २१८ वटा भवनमा क्षति पुगेको हो।
त्यसैगरी, सवारीसाधनमध्ये चार पांग्रेमात्रै ११७ वटा गाडीमा पूर्ण क्षति र चार वटामा आंशिक क्षति भएको छ।
१५८ वटा दुई पांग्रे सवारी साधनमा पूर्ण रूपमा क्षति पुगेको हो।
प्रहरी प्रधान कार्यालय नक्सालका अनुसार भदौ २३ र २४ गते भएको प्रदर्शनका क्रममा अहिलेसम्म ७३ जनाको मृत्यु भएको छ।
नेपाल प्रहरीका प्रहरी सहायक निरीक्षक मिलन राय, प्रहरी सहायक हवल्दार अमृत गुरूङ र प्रहरी जवान उत्तम थापाको मृत्यु भएको छ।
प्रदर्शनको क्रममा २१ जना, भाटभटेनी लगायत व्यक्तिको घरभित्र जलेका ३८ जना र १० जना कैदीबन्दीको मृत्यु भएको हो।
-1746009348.jpg)
