खानेपानी मन्त्री प्रदीप यादवलाई धम्की दिएको आरोपमा एक महिला पक्राउ परेकी छन्।
पक्राउ पर्नेमा वीरगन्जकी किरण साह छिन्।
मन्त्री यादवको सचिवालयबाट प्राप्त उजुरीको आधारमा अनुसन्धानका लागि उनलाई पक्राउ गरिएको जिल्ला प्रहरी कार्यालय, पर्साका प्रहरी उपरीक्षक (एसपी) गौतम मिश्रले जानकारी दिए।
'विद्युतीय अपराधको उजुरी परेको छ। ज्यानै मार्ने धम्की समेत दिएको भनेर मन्त्रीज्यूको स्वकीय सचिवमार्फत जाहेरी परेकाले सोधपुछका लागि ल्याएका हौं,' उनले भने।
किरण र मन्त्री यादवबीचको भएको फोन संवाद भन्दै एउटा अपुष्ट अडिओ पनि सामाजिक सञ्जालमा भाइरल छ।
सो अपुष्ट अडिओको संवाद यसप्रकार छः
किरण- अपने फोन काहे नैखे उठावत? (तपाईं फोन किन उठाउनुहुन्न?) अपने प्रदीपजी बोलतानी नु? (तपाईं प्रदीपजी बोल्दै हुनुहुन्छ नि?)
मन्त्री- केकरा के खोजतानी अपने? (कसलाई खोज्दै हुनुहुन्छ तपाईं?)
किरण- प्रदीपजी के। (प्रदीपजीलाई)
मन्त्री- कौन प्रदीप? (को प्रदीप?)
किरण- खानेपानी मन्त्री प्रदीप यादव।
मन्त्री- के बोलतानी अपने? (तपाईं को बोल्दै हुनुहुन्छ?)
किरण- हम किरण बोलतानी। (म किरण बोलिरहेकी छु।)
मन्त्री- कहाँ से? (कहाँबाट?)
किरण- वीरगन्ज से। (वीरगन्जबाट)
मन्त्री- बोलल जाऊ। (भन्नुस्)
किरण- अपने बोलतानी नु प्रदीपजी बोलतानी नु? (तपाईं बोल्दै हुनुहुन्छ होइन, प्रदीपजी बोल्दै हुनुहुन्छ होइन?)
मन्त्री- हँ। (हो)
किरण- जब प्रदीपजी बोलतानी त, फोन काहे नैखे उठावतानी, हम केतना फोन कैनी ह। (जब प्रदीपजी बोल्दै हुनुहुन्छ त, फोन किन उठाउनुभएको छैन, मैले धेरै फोन गरेँ।)
मन्त्री- मिटिङमे बानी, मिटिङमे। बोली न। (मिटिङमा छु, मिटिङमा, भन्नु न)
किरण- मिटिङमे बानी त, यी काथी के मिटिङ होता रहुवा लोगके कथी होता। वीरगञ्जमे केतना आदमी मरगैल, काथी होता वीरगन्जमे। अपने मन्त्री बानी नु खानेपानी के? (मिटिङमा हुनुहुन्छ त, केको मिटिङ हुँदैछ तपाईंहरूको? वीरगन्जमा कति मान्छे मरे? तपाईं खानेपानीकै मन्त्री हुनुहुन्छ नि?)
मन्त्री- के बोलतानी अपने? (को बोल्दै हुनुहुन्छ तपाईं?)
किरण- किरण। (अझै चर्को स्वरमा) सुनाइल? (सुन्नुभयो?)
मन्त्री- हँ। (अँ)
किरण- किरण।
मन्त्री- कहाँ से बोलतानी? (कहाँबाट बोल्दै हुनुहुन्छ?)
किरण- वीरगन्ज से बोलतानी। वीरगन्जमे केतना आदमी मरगैल हैजा के बजसे? (वीरगन्जबाट बोल्दै छु। वीरगन्जमा हैजाले कति मान्छे मरे?)
मन्त्री- अपने लगे डाटा बा का? (तपाईंसँग तथ्यांक छ हो?)
किरण- कथी? (के)
मन्त्री- अपनेही डाटा रख्लेवानी का? (तपाईंले नै तथ्यांक राख्नुभएको छ हो?)
किरण- कथी कहनी ह। (के भन्नुभयो?)
मन्त्री- ओकर डाटा अपनेही रखलेबानी? (त्यसको तथ्यांक तपाईंले राख्नुभएको छ हो?)
किरण- डाटा ना, खुद घरके आदमी आइसियूमे भर्ती बाटे मन्त्रीजी, साफे नु, छोडेम ना, डर नैखे लागत। (तथ्यांक होइन, मेरो घरकै मान्छे आइसियूमा भर्ना छ मन्त्रीजी। मैले छोड्दिनँ, मलाई डर लाग्दैन।)
-1746009348.jpg)
