प्रहरी हिरातमा रहेका व्यक्तिको मुद्दा मिलाइदिने भन्दै ५० हजार रकम असुलेको भन्दै प्रहरीले दुई जनालाई पक्राउ गरेको छ।
पक्राउ पर्नेमा बर्दियाको गेरुवा गाउँपालिका–३ शान्तिबजार घर भई हाल सुर्खेतको वीरेन्द्रनगर नगरपालिका–१० मा डेरा गरी बस्ने ४३ वर्षीय कृष्णबहादुर थारू र सुर्खेत वीरेन्द्रनगर नगरपालिका – १३ इन्द्रपुरकी ३४ वर्षीया मुना चन्द रहेका छन्।
थारू र चन्दले थुनामा रहेका व्यक्तिका परिवारसँग मुद्दा मिलाइदिने भनेर ५० हजार रकम असुलेको प्रहरीले बताएको छ।
बेइमानीपूर्वक आर्थिक लाभ उठाई आपराधिक लाभ (एक्सटर्सन) गरेको कसुरमा अदालतबाट म्याद लिई उनीहरूमाथि अनुसन्धान भइरहेको प्रहरीले जानकरी दिएको छ।
अभद्र व्यवहारको कसुरमा अनुसन्धानको क्रममा प्रहरी हिरासतमा रहेका प्रतिवादीलाई हिरासत मुक्त गराई मुद्दा मिलाइदिने आश्वासन दिएर उनीहरूले पैसा असुलेको खुलेको छ।
‘प्रहरी प्रशासन मिलाउनुपर्छ अन्यथा तपाईंको मान्छे जेल जान सक्छ,’ भनेर आपराधिक लाभ तथा असुली गर्ने उद्देश्यले यस कार्यालयको हिरासतमा रहेको व्यक्तिको परिवारबाट पचास हजार रुपैयाँ असुली गरेको तथ्य अनुसन्धानबाट खुलेको प्रहरीले जानकारी दिएको छ।
-1746009348.jpg)
