फेसबुकमा 'अलबिदा' लेखेर सम्पर्कविहीन भएका डाक्टर केशव श्रेष्ठलाई प्रहरीलाई खोजिरहेको छ।
सोमबार बिहान फेसबुकमा लामो स्टाटससहित 'अलबिदा' लेखेर सम्पर्कविहीन भएका थिए।
उनको खोजी भइरहेको नेपाल प्रहरीका केन्द्रीय प्रवक्ता डिआइजी विनोद घिमिरेले जानकारी दिए।
उनकाअनुसार फेसबुकमा लेखिएको स्टाटसबारे थाहा पाएपछि प्रहरीले तत्कालै डा. श्रेष्ठलाई सम्पर्क गर्ने प्रयास गरेको थियो।
डा. श्रेष्ठसँग सम्पर्क नभए पनि उनका भाइसँग कुराकानी भएको डिआइजी घिमिरेले बताए।
कुराकानीबाट डा. श्रेष्ठ शुक्रबार मात्रै रामेछापबाट काठमाडौं आएको खुलेको छ।
उनको खोजीका लागि काठमाडौंमा रहेका प्रहरीका विभिन्न युनिटहरू परिचालन गरिएको छ।
'जिल्ला प्रहरी परिसर, उपत्यका अपराध अनुसन्धान कार्यालय, साइबर ब्युरो लगायत सबै युनिटहरूमा खबर गरेका छौं। खोजी भइरहेको छ,' उनले भने।
डिआइजी घिमिरेले डा. श्रेष्ठको अन्तिम लोकेशन चाबहिल देखाएको पनि जानकारी दिए।
'साइबर ब्युरोले लोकेशन पत्ता लगाएपछि चाबहिल क्षेत्रमा विभिन्न प्रहरीले युनिटहरू परिचालन भएका छन्। अन्य सम्भावित क्षेत्रहरूमा पनि खोजी भइरहेको छ,' उनले भने।
उनले जिल्ला अस्पतालमा निमित्त मेडिकल सुपरिटेन्डेन्ट भएर काम गर्दा स्पष्टीकरण सोधेको डाक्टरहरूलाई प्रयोग गरी झुटो आरोप लगाएर सरूवा गराएको लगायतका विभिन्न आरोप लगाएका छन्।
