अर्घखाँचीमा श्रीमानको हत्या आरोपमा श्रीमती पक्राउ परेकी छन्।
छत्रदेव गाउँपालिका-३ का ३८ वर्षीय रामु कुमालको हत्या आरोपमा उनकी श्रीमती २७ वर्षीया मेखमाया कुमाल पक्राउ परेकी हुन्।
सनिवार मध्यराति श्रीमान सुतिरहेको ठाउँमा धारलो हतियार प्रहार गरी हत्या गरेको जिल्ला प्रहरी कार्यालय अर्घखाँचीका इन्स्पेक्टर झलक शर्माले जानकारी दिए।
उनका अनुसार उनीहरूको व्यक्तिगत कुराकानीको विषयमा झगडा भएकाले धारिलो हतियार प्रहार गरेको बुझिएको छ।
'श्रीमतीलाई पक्राउ गरेर अदालत लगिएको छ, म्याद थप्ने काम भइरहेको छ,' इन्स्पेक्टर शर्माले भने।
यस घटनामा प्रहरीले थप अनुसन्धान गरिरहेको छ।
