नेपाली सेनाका प्रवक्ता फेरिएका छन्।
सहायक रथि गौरवकुमार केसी पूर्वी पृतना हेडक्वार्टर इटहरीका प्रमुख भएपछि प्रवक्ता फेरिएका हुन्।
जनसम्पर्क तथा सूचना निर्देशनालयका निर्देशक एवं प्रवक्ताको रूपमा सहायक रथि राजाराम बस्नेत आउँदैछन्।
बस्नेत राष्ट्रिय निकुञ्ज तथा वन्यजन्तु आरक्षण निर्देशनालयका प्रमुख थिए।
सेनाका प्रवक्ता फेरिए पनि बुझबुझारथ गर्न बाँकी छ। बिहीबार दिउँसो औपचारिक रूपमा बुझबुझारथ गर्ने तयारी रहेको सेनाले जनाएको छ।
