बिपी राजमार्ग हुँदै तराई जाने र पहाड उक्लिने जुनै पनि गाडीले एकछिनको लागि मात्रै भए पनि रोकिने ठाउँ हो सिन्धुलीको खनियाँखर्क।
जुनार र सुन्तला बिक्रीको लागि निकै प्रख्यात रहेको खनियाँखर्कको पसलहरूको लहरहरूमा छ खुवा वा कुराउनी पसल।
खनियाँखर्क वरिपरि रहेका गाउँबाट संकलन गरिएको दुधबाट विकास देवकोटाले चलाएको सिन्धुली खुवा उद्योगले यो बाटो हुँदै जाने जो कोहीको पनि ध्यान तान्छ।
झण्डै २ दशकदेखि खुवा व्यवसाय गरिरहेका विकास देवकोटाले यो उद्योगमा अहिले ३ जनालाई प्रत्यक्ष रूपमा रोजगारी दिइरहेका छन्।
‘दैनिक रूपमा झण्डै १० किलो जति खुवा बिक्री हुने गरेको छ। बाटो पर्दा यात्रुहरू ओर्लिएर यहाँ खुवा किनेर लैजानुहुन्छ। कहिलेकाहीँ त माग धान्न पनि गाह्रो हुन्छ,’ देवकोटाले भने।
ग्राहकहरूको रोजाइअनुसार उनको यस उद्योगले तातो र सेलाएको खुवा दिने गरेको छ।
तत्कालै खानको लागि उनी आफ्ना ग्राहकहरूलाई तातो खुवा दिन्छन् भने अन्यत्रै लैजानको लागि सेलाएको दिने गरेको उनले बताए।
‘एक किलो खुवा बनाउनको लागि ६ लिटर दुध चाहिन्छ। दैनिक कम्तीमा पनि ६० लिटर दुध खपत हुने गरेको छ। दुध चाहिँ हामी यहीँका किसानबाट बिहान र बेलुकी गरेर संकलन गर्छौं,’ उनले भने।
तस्बिरहरू:
-1748338427.jpg)
-1748338427.jpg)
-1748338422.jpg)
-1748338422.jpg)
-1748338419.jpg)
-1748338419.jpg)
-1748338420.jpg)
-1748338420.jpg)
-1748338418.jpg)
-1748338418.jpg)
-1748338402.jpg)
-1748338402.jpg)
-1748338402.jpg)
