नेकपा (एमाले) ले दलहरूभित्रको कतिपय आन्तरिक समस्या राष्ट्रिय राजनीतिमा ल्याउन नहुने बताएको छ। पार्टी सचिवालयको आइतबार बसेको ५१ औं बैठकपछि बोल्दै उपमहासचिव प्रदीप ज्ञवालीले दलहरूभित्रको आन्तरिक समस्यालाई राष्ट्रिय राजनीतिमा ल्याएर बिसाउनु नहुने बताएका हुन्।
‘दलहरूभित्रका समस्या आफ्ना ठाउँमा होलान्। हामीभित्रका, हाम्रो पार्टीभित्रका केही समस्या होलान्, त्यो समाधान गर्ने दायित्व हाम्रो हो। अरू पार्टीसँग त्यो समस्या छ भने त्यो उहाँहरूले समाधान गर्ने हो, तर पार्टीभित्रका समस्याहरू यदि राष्ट्रिय राजनीतिमा गएर जोडिन थाले अथवा त्यसलाई त्यहाँ गएर समाधान खोज्न थालियो भने, त्यहाँभित्रको समस्या त्यहाँ लगेर पोख्न थालियो भने त्यसले राम्रो गर्दैन भन्ने हाम्रो निष्कर्ष हो,’ उनले भने।
गत असार १७ गते सातबुँदे सहमति भएर नेपाली कांग्रेस र एमाले सत्ता सहकार्य गरिरहेका छन्। सरकारको कार्यशैलीलाई लिएर नेपाली कांग्रेसका नेताहरूले प्रश्न उठाउँदै आएका छन्।
-1746364088.jpeg)
