सप्तरीमा बस दुर्घटना हुँदा तीन जनाको मृत्यु भएको छ।
कंचनरूप नगरपालिका-१० बदगामास्थित पूर्वपश्चिम राजमार्गमा आइतबार मध्याह्न बस दुर्घटना हुँदा तीन जनाको मृत्यु भएको जिल्ला प्रहरी कार्यालयका डिएसपी जितेन्द्रकुमार बस्नेतले जानकारी दिए।
उनका अनुसार प्र १-०१-००१ ख ३४२० नं.को बस अनियन्त्रित भई दुर्घटनामा परेको हो।
बसमा रहेका एक जना पुरूष र एक जना महिलाको मृत्यु भएको हो। उनीहरूको पहिचान खुलेको छैन। अर्का मृतक सप्तकोशी नगरपालिका-१का ७५ वर्षीय रक्तबहादुर मगरातिको पहिचान खुलेको छ।
शव गजेन्द्र नारायण सिंह अस्पताल राजबिराज सप्तरीमा पठाइएको छ।
अन्य २२ जना घाइते छन्। प्रहरीले चालकलाई नियन्त्रणमा लिएको छ।
दुर्घटनापछि चालक मेचिनगर-७ का ४७ वर्षीय अमृत दर्जी फरार भएका थिए। उनलाई पछि इलाका प्रहरी कार्यालय कंचनपुरको टोलीले पक्राउ गरेको हो।
इलाका प्रहरी कार्यालयका प्रमुख डिएसपी माधवप्रसाद काफ्लेका अनुसार चालकसँग सोधपुछ भइरहेको छ।
‘पैदलयात्रीलाई जोगाउन खोज्दा आफै पल्टिएको भनेको छ चालकले। अरू पनि केकारणले दुर्घटना भएको हो अनुसन्धान गर्दैछौं,’ उनले भने।
-1745750023.jpg)
