भुइँचालो गएपछि घरको एक तलामाथिबाट हामफालेकी किशोरी घाइते भएकी छन्।
शुक्रबार बेलुका जाजरकोट केन्द्रबिन्दु भएर तीन मिनेटको अवधीमा दुई पटक भुइँचालो गएको थियो।
बेलुका ८:०७ बजे ५.२ र ८:१० बजे ५.५ म्याग्नेच्युडको भुइँचालो गएको थियो। भुइँचालोले छिमेकी जिल्लामा पनि ठूलै धक्का महसुस गरिएको थियो।
भुइँचालो गएपछि अतालिएर रूकुम पश्चिमको बाफीकोट गाउँपालिका-९ झुलाकी १६ वर्षीय लाली देवकोटा घरको एक तला माथिबाट हामफालेकी छन्।
घरबाट हामफालेपछि उनी घाइते भएकी जिल्ला प्रहरी कार्यालय रूकुम पश्चिमका डिएसपी प्रमेश विष्टले जानकारी दिए।
उनको ढाडमा चोट लागेको छ। उनलाई उपचारका लागि जिल्ला अस्पताल लगिएको छ।
रूकम पश्चिमकै त्रिवेणी गाउँपालिका –९ पेउघाका १६ वर्षीय खुम्बु विक पनि भुइँचालो आएपछि घरबाट हामफालेका थिए।
हामफालेर घाइते भएका उनलाई पनि उपचारका लागि जिल्ला अस्पताल पुर्याइएको थियो।
