लघुवित्त तथा वित्तीय शोषण विरूद्धको आन्दोलनलाई तीव्रता दिँदै संघर्ष समितिले शुक्रबार काठमाडौंको कलंकी चोकमा र्याली तथा आमसभा सम्पन्न गरेको छ।
नेपाल सरकारसमक्ष नौ बुँदे माग राख्दै संघर्ष समितिले देशव्यापी आन्दोलनको घोषणा गरेको हो।
शुक्रबार बिहान कंलकीबाट क्षेत्रपाटी हुँदै शान्तिवाटिकामा र्याली निकालिएको थियो।
आन्दोलनको नेतृत्व संघर्ष समितिका केन्द्रीय अध्यक्ष मनिराम ज्ञवाली, वरिष्ठ उपाध्यक्ष फत्तेबहादुर पुन, उपाध्यक्ष मनिप्रसाद चौलागाईं, उपाध्यक्ष लुजा राई, उपाध्यक्ष आशा सञ्जेल तथा केन्द्रीय सदस्य कमानसिंह वि.क. लगायतका नेताहरूले गरेका थिए।
कार्यक्रममा नेता एसपी शाहले जनतामाथि दमन गरे प्रतिकार गर्ने चेतावनी दिए। उनले जनताका न्यायका लागि जस्तोसुकै मूल्य चुकाउन पनि आन्दोलनतर पक्ष तयार रहेकाे उनले बताए।
गरिब किसानलाई निःशुल्क ऋण प्रदान गरिनुपर्ने, योग्यता र क्षमताका आधारमा काम र दामको व्यवस्था हुनुपर्ने, अर्थतन्त्रको विकासका लागि ठोस नीति ल्याइनु पर्ने, जनपक्षीय मौद्रिक नीति कायम गरिनुपर्ने, कालोसूची तथा धितो लिलामको प्रक्रिया फुकुवा गरिनुपर्ने, भूमिहीन तथा वित्तीय शोषणका पीडितहरूलाई उचित मुआब्जाको व्यवस्था गरिनुपर्ने लगायतकाे उनीहरूकाे माग छ।
तस्बिरहरू:
-1743750450.jpg)
-1743750450.jpg)
-1743750449.jpg)
-1743750448.jpg)
-1743750448.jpg)
