दक्षिण कोरियाका कार्यवाहक राष्ट्रपति हान डक सू ले सुरक्षा आपतकाल आदेश जारी गरेका छन्।
शुक्रबार संवैधानिक अदालतले राष्ट्रपति युन सुक योलविरूद्धको महाभियोग सदर गरेपछि कार्यवाहक राष्ट्रपति हानले सुरक्षा आपतकाल आदेश जारी गरेको बिबिसीले जनाएको छ।
राष्ट्रपति यनविरूद्धको महाभियोगबारे संवैधानिक अदालतले शुक्रबार सुनुवाइ गर्ने भएपछि युनका पक्ष र विपक्षीहरू अदालत परिसरमा जम्मा भएका थिए।
संवैधानिक अदालतका आठै जना न्यायाधीशहरूले युन विरूद्धको महाभियोग सदर गरेको फैसला सार्वजनिक भएपछि परिस्थिति केही असामान्य बनेको थियो।
युनका समर्थकहरूले अदालतको आदेश स्वीकार्य नभएको भन्दै प्रदर्शन गरेका थिए। त्यहीँ अदालतको आदेश लोकतन्त्रको पक्षमा आएको भन्दै युनका विरोधीहरूले खुशियाली मनाएका थिए।
परिस्थिति असामान्य बन्न नदिन र नागरिकको सुरक्षाका लागि लागि कार्यवाहक राष्ट्रपतिले हानले आपतकाल घोषणा गरेको बिबिसीले जनाएको छ।
युनले गत डिसेम्बर ३ मा सैनिक शासन घोषणा गरेका थिए। तर त्यहाँको संसदले उनको घोषणालाई दुई घन्टामै उल्ट्याइदिएको थियो।
त्यसपछि संसदले महाभियोग लगाएर उनलाई पदबाट निलम्बन गरेको थियो। दक्षिण कोरियामा संसदले महाभियोग पारित गरेर मात्रै पुग्दैन संवैधानिक अदालतले पनि सदर गरेपछि मात्रै पदमुक्त हुन्छ।
युन पदमुक्त भएसँगै अबको दुई महिनापछि दक्षिण कोरियामा चुनाव हुनेछ। त्यतिबेला सम्मका लागि कार्यवाहक राष्ट्रपति हानले सत्ता चलाउनेछन्।
