बर्दियाको बारबर्दिया नगरपालिकाका प्रमुख प्रशासकीय अधिकृत दीपककुमार आचार्यले सार्वजनिक रूपमै माफी मागेका छन्।
बिहीबार दिउँसो आफ्नो सामाजिक सञ्जालमा स्ट्याटस लेख्दै यसअघि आफूले सामाजिक सञ्जालमा लेखेका कुराहरू गलत भएको भन्दै आफै खण्डन गर्दै माफी मागेका छन्।
मंगलबार दिउँसै मदिराले मातेर कार्यालयमा आएर उपमेयरको कार्यकक्षमा प्रवेश गरी झैझगडामा उत्रिएपछि प्रमुख प्रशासकीय अधिकृत आचार्यसहित तीन जना कर्मचारीलाई प्रहरीले नियन्त्रणमा लिएको थियो।
मापसे जाँचमा प्रमुख प्रशासकीय अधिकृतको मात्रै मापसे पुष्टि भएको थियो।
सोही साँझ बेलुकी नै प्रहरीले प्रमुख प्रशासकीय अधिकृतसहित तीनै जनालाई रोहबरमा छाडेको थियो।
प्रहरीले पक्राउ गरेपछि पनि मदिराले मातेका प्रमुख प्रशासकीय अधिकृत आचार्यले आफ्नो सामाजिक सञ्जालमा स्ट्याटस लेख्दै मेयर छबिलाल थारूले पावर टिलर खरिदमा ठेकेदारसँग पाँच लाख नपाएको झोंकमा आफूमाथि हर्कत गरिएको दोष लगाएका थिए।
तर, आचार्यले बिहीबार दिउँसो सामाजिक सञ्जालमा अर्को स्ट्याटस लेख्दै आफूले मंगलबार बेलुकी लेखेको स्ट्याटस गलत रहेको स्वीकार गरेका छन्।
सम्बन्धित समाचार:
मदिराले मातेका प्रमुख प्रशासकीय अधिकृतले कार्यालयमै झगडा गरेपछि...
मापसे गरी कार्यालयमा झगडा गर्ने प्रमुख प्रशासकीय अधिकृतविरूद्ध उपमेयरले दिइन् उजुरी
