काठमाडौंमा कोठामा आगलागी हुँदा जलेर एक जनाको मृत्यु भएको छ।
सुनसरी बाराहक्षेत्र नगरपालिका-२ घर भई काठमाडौं महानगरपालिका-६ बस्ने १८ वर्षीया मुमेन तामाङको मृत्यु भएको हो।
उनको उपचारको क्रममा चाबहिलस्थित ओम अस्पतालमा सवा ६ बजे मृत्यु भएको जिल्ला प्रहरी परिसर काठमाडौंका एसपी अपिलराज बोहराले जानकारी दिए।
उनका अनुसार मुमेन महानगरपालिका-६ स्थित राजेशचन्द्र गिरीको घरमा डेरामा बस्थिन्। कोठामा आगो लागेपछि उनी र उनका बुवा ददिराम तामाङ घाइते भएका थिए।
ददिरामको भने उपचार भइरहेको छ।
'आगलागीका कारण भने अहिलेसम्म खुलेको छैन,' उनले भने, 'आगो भने नियन्त्रणमा आइसकेको छ।'
आगलागीबाट कति क्षति पुगेको छ भनेर अनुसन्धान भइरहेको एसपी बोहराले जानकारी दिए।
